Strawberry Thief er eitt þekktasta mynstur William Morris (1834–1896) og hefur verið vinsælt allt frá því það var fyrst hannað árið 1883. Samspil fugla, blóma og skrautlegra forma skapar áhrifamikið verk sem er ríkt af smáatriðum og litum. Morris hafði sterka tengingu við Ísland og þýddi meðal annars Íslendingasögur á ensku í samstarfi við Eirík Magnússon.
Prentað á þykkan 240g mattan pappír með hágæða bleksprautuprentun sem skilar skýrum smáatriðum og náttúrulegri litaframsetningu. Öll verk eru prentuð á Íslandi.
Fæst í stærðum sem passa fyrir staðlaðar rammastærðir. Rammi fylgir ekki með. Athugið að hlutföll myndarinnar geta breyst lítillega eftir valinni stærð.
Hvert verk er vandlega pakkað og sent í sterkum pappahólki til að tryggja öruggan flutning.